اسلام آباد۔ 08 ستمبر (اے پی پی) صدر مملکت ڈاکٹر عارف علوی جانی خیل خودکش جلہو نا شہید آتا خاہوت آتون ٹیل فون آ است ہسونی نا درشانی ءِ کرے و وطن نا خاطر جا م ءِ شہادت نوش کننگ آ شہید آتے خراج عقیدت پیش کرینے۔ ایوان صدر نا پریس ونگ انا رداٹ صدر مملکت 31اگست آ بنوں ٹی شہید مروک آ پاک فوج انا ورناتا وارث آتون ہیت …
صدر مملکت نا جانی خیل خودکش جلہو نا شہید آتا خاہوت آتون ٹیل فون آ است ہسونی نا درشان، شہید آتے خراج عقیدت پیش
گیشتریں ھال
اسلام آباد۔ 08 ستمبر (اے پی پی) صدر مملکت ڈاکٹر عارف علوی جانی خیل خودکش جلہو نا شہید آتا خاہوت آتون ٹیل فون آ است ہسونی نا درشانی ءِ کرے و وطن نا خاطر جا م ءِ شہادت نوش کننگ آ شہید آتے خراج عقیدت پیش کرینے۔ ایوان صدر نا پریس ونگ انا رداٹ صدر مملکت 31اگست آ بنوں ٹی شہید مروک آ پاک فوج انا ورناتا وارث آتون ہیت کرے۔ صدر نائب صوبیدار صنوبرعلی، حوالدار آفتاب احمد و حوالدار محمد عارف ناخاہوت آتون ہڑزخواہی نا درشانی ءِ کرے۔ اوحوالدار محمد عمران، سپاہی احمد علی، سپالی محمد حسیب اکبر نا وارث آتون ہم فون آ گپ وتران کرے۔ صدر عارف علوی سپاہی ذیشان نزاکت، عبدالرشید و وارث علی نا خاہوت آتون ہم ہیت کرے۔ صدر مملکت شہید آتے سلام پیش کرے و اوفتا درجہ غاتا بڑزی کن دعاکرے۔ اوشہید آتا خاہوت آتون ہمدردی نا درشانی ءِ کرے و صبر و جمیل کن دعاکرے۔
