اسلام آباد۔ 08 ستمبر (اے پی پی) بنجائی سیکرٹری جان جوڑی افتخار علی شلوانی پارینے کہ نگراں وزیر جان جوڑی ڈاکٹر ندیم جان نا کماشی ٹی جان جوڑی نا بشخ انا گچینی کن عملی گام گیج کننگ انگ ءِ، پاکستان ساڑی آ گلوبل ہیلتھ سیکورٹی ایجنڈا نا کماشی پاکستا ن تون ءِ۔ وزارت جان جوڑی آن جاری بیان نا رداٹ داخیال آتادرشانی ءِ او تینا کماشی ٹی دیوان اٹی کرے۔ دیوان اٹی گلوبل ہیلتھ سمٹ انا تیاری تا جاچ ءِ ہلنگا۔ دیوان اٹی سینئر آفیشلز، جان جوڑی نا چاہندار، پارٹنر و ایلو اسٹیک ہولڈر آک بشخ ہلکر۔ دیوان اٹی افتخار شلوانی پارے کہ پاکستان اٹ دنیا نا اولیکو گلوبل ہیلتھ سمٹ اڈتننگ انگ ءِ۔ پاکستان ساڑی آ گلوبل ہیلتھ سیکورٹی ایجنڈا نا کماشی پاکستان تون ءِ۔ اوپارے کہ کانفرنس اٹی 500 بشخ ہلوک ہرافتے ٹی 70 ملک آتا مندوبین آک بشخ ہلیرہ۔ گلوبل ہیلتھ سیکورٹی نا بابت پاکستان نا کوشسست و کڑد ءِ جہانی کہول آ امنا کننگک۔ افتخار علی شلوانی پارے کہ ملک انا تہہ ٹی دینی مرض ؎آتیان بچفنگ کن گچین گام گیج کننگ انگ ءِ۔ وزیر جان جوڑی ڈاکٹر ندیم جان نا کماشی ٹی جان جوڑی نا بشخ انا گچینی کن عملی گام گیج کننگ انگ ءِ۔ گلوبل ہیلتھ سیکورٹی سمٹ آن ملک آک اسہ ایلو نا آزموندہ غاتیان فائدہ ہرفرہ، بنجائی سیکرٹری نا پارت آ گلوبل ہیلتھ سمٹ انا تیاری تا بناءِ کننگانے۔
