کوئٹہ۔ 08 ستمبر (اے پی پی) پاکستان بزنس فورم بلوچستان ریجن نا وائس چیئرپرسن ثناء درانی پارینے کہ صوبہ ءِ نیشنل فنانس کمیشن (این ایف سی ) ایوارڈ انا بشخ انا وڑاٹ ملوک آ وسیلہ غاک صوبہ نا شونداری ٹی کمک و اودے بڑزی تیا سرکننگ کن گنج اس افس۔ پوریاگر برادری تون گپ وتران کرسا اوپارے کہ بنجائی حکومت بلوچستان نا پسماندگی نااعتراف ءِ کرینے ولے ویل آتے گچین وڑاٹ ایسر کننگ و مخلوق ءِ نیزگاری آن کشنگ اٹ بے سہب مس۔ بلوچستان نا نیزگار و پسماندگی نا بھلا سوب فنڈ آتا کمتی و این ایف سی ایوارڈ اٹی خاطرخواہ بشخ مفننگ ءِ، داحقیقت آن پد ہم بلوچستان پاکستان نانیمہ بشخ ءِ۔ اوپارے کہ نن نیمہ پاکستان ءِ سیکورٹی فراوان کینہ ہرا اسہ بھلو چیلنج اسے ، و صوبہ تینا 40 درسد وسیلہ غاتےامن وایمنی ءِ برقرار تخنگ آ خڑچ کیک۔ داراستکی تے گوجالنگ مفک و داسنجیدہ چکار و ایسری نا خواہندار ءُ۔ اوپارے کہ بلوچستان اٹی سرکاری نوکری کم و صنعت اف۔ اگہ مخلوق بے روزگار مرے تو ریاست دشمن زموار آتا پروپیگنڈا نا گواچی مننگ کیرہ۔ پی بی ایف نا عہدیدار ثناء درانی مستی پارے کہ صوبائی حکومت ءِ تینا فنڈ ز ودی کننگ نا ڈٹ ہم وضع کے تانکہ چندی وڑتے اٹ صوبائی خراج آتے لاگو کننگ مرے، ہندا وڑ ورلڈ بینک ءِ اقتصادی بنداوتیا چندی ڈٹ آتیٹی اوار کننگے۔ ہنداوڑ بلوچستان بورڈ آف ایویسٹمنٹ ءِمرے کہ او پاک فوج انا کمک اٹ ون ونڈو آسراتی تون زرکارآتیکن اسہ جوان ءُ ماڈل اسے نا بناءِ کے۔ بلوچستان اٹی معدنی وسیلہ غاتا بھلو وارخواہی اس ساڑی ءِ کارپوریٹ ایگریکلچر فارمنگ اٹی ہم اسہ پوٹینشل اسے ہرادے BBOITنا کمک اٹ پرکشش کاروبار و زرکاری نا ڈٹ آن فائدہ ہرفنگ نا گرج ءِ۔
