کوئٹہ۔ 08 ستمبر (اے پی پی)نگراں صوبائی وزیر پی ایچ ای و بہبود آبادی سردار اعجاز احمد خان جعفر نا کماشی ٹی سبی ڈویژن و نصیرآباد ڈویژن نا ڈٹ آتابابت جاچ دیوان اس اڈ ہلک دیوان اٹی ایڈیشنل سیکرٹری ڈویلپمنٹ عبدالقدیر، ایڈیشنل سیکرٹری ایڈمن ندیم احمد، چیف انجینئر پلاننگ و ڈویلپمنٹ ڈیپارٹمنٹ پی ایچ ای آغا عمران شاہ سبی و نصیر آباد ڈویژن نا سپرنٹنڈنٹ انجینئر و ایکسین صاحب آک بشخ ہلکر ، دیوان اٹی سبی و نصیر آباد اٹی برجا وپوسکن آ ڈٹ ، فلٹڑیشن پلانٹ و نوکاپ آن ہرا ڈٹ آک زہمی مسوسر اوفتا بابت چندی امور نا سرجم جاچ ءِ ہلنگا دیوان آن تران کرسا نگراں صوبائی وزیر پارے کہ اینو اگہ پاکستان قائم ءِ تو او منہ ایماندار و نیک مخلوق نا سوب آن ء، اگہ نم غٹ تینے داٹی اوار کبو تو نئے بیرہ نما محکمہ، علاقہ بلکن صوبہ دے پہ دے شون ہلیک ۔ اوپارے کہ ننے تینے ٹی احساس ودی کروئی مریک کہ سرکاری ملکیت آتے تینا تکسا کاریم اٹ اتین تو قومی خزانہ ءِ بھلو حداسسکان زیان مننگ آن بچفنگ مریک ، اوپارے کہ آفیسر آک ہراتم اسکان تینا عزت نا خیال ءِ تینٹ کپسہ ہموتم اسکان ایلو اوفتا عزت ءِ کپک ، اوغٹ ایکسین آتے پارت کرسا پارے کہ ہرا ڈٹ آک نوکاپ آن زہمی مسنو، و اوفتا پی سی ون محکمہ پی اینڈ ڈی ٹی ءِ اوفتا سرجم آتے تننگے تانکہ فنڈ آتا دوئی کننگ کن جہد کننگ مرے و الس ءِ دیر انا فراوانی ممکن مننگ کے ، اوپارے کہ کنا بنداوی مسخت گونڈ مد اٹی اخس گچینی نا کنڈا دننگ کینہ دینہ دارداٹ محکمہ نا کنڈآن مثبت سلاہ تا ہر جاگہ غا پذیرائی ءِ کننگک۔ داکان مست چیف انجینئر پی اینڈ ڈی محکمہ پی ایچ ای آغا عمران شاہ صوبائی وزیر ءِ فنڈ آتا عدم فراوانی آفیسر آتے گاڈی تا فراوانی تون اوار چندی مون تروک ویل آتا بابت سرجم آتیان معلومدار کرے۔
