کوئٹہ۔ 08 ستمبر (اے پی پی)شاراٹی بورہ نا نہاد آتیٹی سوگوی و کوڑی کننگ نا توننگ نا چرجوئی ٹی ضلعی انتظامیہ نا کارروائیک برجاءُ۔ دا چرجوئی ٹی تدوک آ دے ڈپٹی کمشنر کوئٹہ نا خصوصی پارت آ اسسٹنٹ کمشنرسریاب حافظ محمد طارق لیویز فورس اتون اوار سریاب کسٹم نا ایریاٹی اسہ گودام اسے آ چھاپہ خلک۔ ہراڑے سد آتا کچ اٹی بورہ نا پارسل دوءی کرسا غیرکانودی وڑاٹ بورہ کوڑی کننگ آگودام ءِ سیل کرے ضلعی انتظامیہ نا کنڈآن ہندا گودام اٹی بورہ کوڑی کننگ نا بابت پین جاست وپاست کننگ انگ ءِ کہ گودام اٹی بورہ غاتے ہرامسخت کن کوڑی کننگاسس غٹ ضبط مروک بورہ غاتے مجاز ڈیلر آتا کمک اٹ مارکیٹ اٹی بہاکننگک دا بابت کمشنر کوئٹہ ڈویژن حمزہ شفقات پارے کہ شار اٹی بورہ کوڑی کروک آتابرخلاف سخت کارروائی کننگ انگ ءِ تدوک آ دے انا کارروائی ٹی دوئی کروک بورہ غاتے سرکاری ریٹ آ بہاکننگک شار اٹی بورہ نا نہاد آتیٹی سوگوی و کوڑی کننگ نا توننگ نا چرجوئی ٹی کارروائی پین وخت اس ہم برجاسلک۔
