کوئٹہ۔ 08 ستمبر (اے پی پی)ڈپٹی کمشنر حب منیر احمد موسیانی نن نیمہ غا جام غلام قادر گورنمنٹ ہسپتال حب انا دورہ ءِ کرے مانیٹرنگ وزٹ نا وخت آ طبی عملہ نا حاضری تے چیک کرے چندی بشخ آتا معائنہ ءِ کرے و ناجوڑ آتیان اوفتا طب انا اَرفے ڈپٹی کمشنر حب ہسپتال اٹی زیرعلاج زیارکنسا خودکشی کروک آ ورناتون ہم اوڑدہی کرے و اونا ویل آتے ایسر کننگ نا باوری کرفسا اودے زند انا فائدہ و خودکشی نا نسخان تا بابت پہہ کرے۔ دورہ نا وخت آ پیرامیڈیکل اسٹاف و میڈیکل آفیسر آتے پارے کہ ہسپتال انتظامیہ اسہ ہیت اس تینا دماغ اٹ تخر کہ ہسپتال اٹی ہرحال اٹ گچینی اتوئی مریک، مانیٹرنگ وزٹ نا مسخت جاری کروک آ پرمان تیا عملدرآمد ءِ پک کننگ دوئی آسراتی و عملہ نا حاضری تے خاص وڑاٹ چیک اینڈ بیلنس کننگ ءِ اینو آن پد اگہ ہسپتال اٹی سفائی نا نظام و ایلو آسراتی تا فراوانی ٹی نمان بدلی نظر بتو تو زموار آتا برخلاف سخت کارروائی کننگک یات سلے کہ تدوک آ 12 گھنٹہ ٹی ڈپٹی کمشنر حب انا ہسپتال نا ارٹ میکو وزٹ ئسک۔
