کوئٹہ۔ 07 ستمبر (اے پی پی ) صوبائی وزیر حوالکاری جان اچکزئی ملک اٹی کرنسی اسمگلنگ نا توننگ کن آرمی چیف نا کوشست آتا ستاءِ کرسا اوناخیرمقدم ءِ کرینے۔ صوبائی وزیر حوالکاری بلوچستان جان اچکزئی پارے کہ آرمی چیف و اونا ٹیم وخت آ گام گیج کرسا کرنسی اسمگلنگ اٹ اوار مافیاتا کسر ءِ توریر، مافیاک بلیک مارکیٹنگ نا کمک اٹ کرنسی مارکیٹ اٹی سراسر افراتفری تالان کننگ خوائسرہ۔ اوپارے کہ حالیت آک داسہ جوانی بسنے داسہ اسٹیٹ بینک و ایلو زرگزرانی ادارہ غاک دا موقع ءِ نظام نا گچینی کن کاریم اٹ اتیر، وزیرحوالکاری داہم پارے کہ اسمگلنگ اٹی کمتی مسنے و بورہ نا نہاد سوگو مسنے، نگراں وزیراعلیٰ بلوچستان ، نگراں وزیراعظم انوارالحق کاکڑ نا است خواہی نا رداٹ بجلی دُزی و بورہ اسمگلنگ ءِ توننگ کن ہم گام گیج کرینے۔
