اسلام آباد۔ 07 ستمبر (اے پی پی) نگراں وزیراعظم انوارالحق کاکڑ راج ءِ بے سگی آن پاک کننگ و ایلمی نا مون آ دننگ آ زور شاغسا پارینے کہ مذہبی رواداری و ہم گرنچی قائد اعظم محمد علی جناح نا روشنااصول ءُ ہرا پاکستان نا بنداو ءِ و نن کن  کسرنا ڈیواءُ، نیزگار تپہ نا راجی آسودہی کن بوہرہ کمیونٹی نا خذمت ستاکڑزک۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او شہزادہ حسین برہان الدین نا کماشی ٹی بوہرہ کمیونٹی نا ڈل اتون گپ و تران کرسا کرے ہرا پنچ شنبے نادے آ داڑے اوڑتون اوڑدہی کریر۔ اوڑدہی ٹی حسین برہان الدین وزیراعظم ءِ تینا باوہ و بوہرہ کمیونٹی نا روحانی پیشوا سید نا ڈاکٹر مفضل سیف الدین نا کنڈآن نیک است خواہی نا کلہو سرکرے۔ داوخت آ وزیراعظم پارے کہ مذہبی رواداری و ہم گرنچی قائد اعظم محمد علی جناح نا روشنا اصول ءُ ہرا پاکستان نا بنداو ءُ و ننکن کسر نا ڈیواءُ۔ اوڑدہی ٹی وزیراعظم راج ءِ بے سگی آن پاک کننگ و ایلمی نا مون آ دننگ کن اسیجائی کوشست آتیا زور شاغا۔ وزیراعظم راجی ، آسودہی ، تعلیمی، زرگزرانی و ایلو بشخ آتیٹی بوہرہ کمیونٹی نا خذمت آتا ستاءِ کرے۔ ڈل وزیراعظم ءِ کراچی ٹی بوہرہ کمیونٹی نا زیر تعمیر ہسپتال نا بارواٹ معلومدار کرے۔ وزیراعظم پارے کہ نیزگار تپہ نا راجی آسودہی کن بوہرہ کمیونٹی نا خذمت ستاکڑزک۔ وزیراعظم اوڑدہی ٹی تعلقدار کمامدار آتے بوہرہ کمیونٹی تون کمک و اوفتے پورو آسراتی فراوان کننگ نا پارت جاری کریر۔

متعلقہ مضامینمصنف کی طرف سے مزید