کوئٹہ۔ 07 ستمبر (اے پی پی) بلوچستان نا نگراں صوبائی وزیر حوالکاری و تعلقداری عامہ جان اچکزئی پارینے کہ پاک اوغان سیم انا خڑک چترال بارڈر آ دہشت گردی نا واقعہ غا افسوز ءِ۔ اوپارے کہ او دہشت گردی نا داواقعہ نا ترندی اٹ مذمت ءِ کیک ۔ پنچ شنبےنادے آ داڑے جاری تینا اسہ بیان اسے ٹی نگراں صوبائی وزیر حوالکاری جان اچکزئی پارے کہ چترال اٹی سیم انا خڑک چوکی تیا جلہو اٹی چار فوجی ورناتا شہیدی آ ڈکھیائی مسنے۔ وخت آ ورندی کارروائی آن 12 دہشت گرد آتا زوال کننگ نا حوال ءِ ، ورناک جیرت، نرزوری و جواں مردی اٹ دشمن نا مقابلہ ءِ کریر و قوم انا کاٹم ءِ گمر اٹ بڑزکریر، شہید آتا دتر زیان مفک، نن تینا ہیروتے خراج تحسین پیش کینہ۔ اوپارے کہ شہید آتا قربانی تا سوب آن ملکی سالمیت و بقاممکن ءِ قوم تینا گلزادہ غاتون ہم کوپہ سلوک ءِ۔ ڈکھیائی نا داساہت اٹ شہید آتا خاہوت آتون تفوک اُن، اوفتے تون ہڑزخواہی و ہمدردی نا درشانی ءِ کینہ و شہید آتا درجہ غاتا بڑزی کن ہردم دعا کینہ۔
