کوئٹہ۔ 07 ستمبر (اے پی پی ) بلوچستان نا نگراں وزیرداخلہ میر محمد زبیر جمالی چترال نا علاقہ کالاش اٹی پاکستانی چوکی تیا دہشت گرد آتا جلہو نا مذمت ءِ کرینے، پنچ شنبے نادے آداڑے جاری بیان اٹی نگراں وزیرداخلہ بلوچستان پارے کہ پاک فوج انا ورناک نرزوری اٹ مقابلہ کرسا جلہو آتے پسپا کرسا دہشت گرد آتے بھلو جونی نسخان اس تسر۔ دہشت گردی نا دا وڑنا واقعہ ڈیہہ اتون اوار ہڑتوم آ ملک آتیکن اسیجائی خطرہ اسے۔ نگراں وزیرداخلہ بلوچستان پارے کہ ننا بنداوی زمواری ملک اٹی امن و ایمنی ءِ پک کرسا شفاف گچین کاری اڈترفنگ ءِ تانکہ الس و سیاسی جماعت آتے گچین کاری مہم چلیفنگ و وونٹ بِٹنگ اٹ دشواری اس مف۔ نگراں وزیرداخلہ پارے کہ دا ہی تءِ پک کننگے کہ اوغان گل زمین پاکستان نا برخلاف کاریم اٹ اتنگپ۔ اوپارے کہ غم انا داساہت اٹی شہید آتا خاہوت آتا غم اٹی بریبر نا شریک اُن صوبائی وزیر داخلہ شہید آتا درجہ غاتا بڑزی و خاہوت نا صبر وجمیل کن دعاکرے۔
