کوئٹہ ۔ 07 ستمبر (اے پی پی) نگراں وزیراعلیٰ بلوچستان میر علی مردان خان ڈومکی پاک اوغان سیم انا خڑک چترال بارڈرآ دہشت گردی نا واقعہ ٹی 4 سیکورٹی کارندہ غاتا شہیدی آ ڈکھیائی و است ہسونی نا درشانی ءِ کرینے، پنچ شنبے نادے آ وزیراعلیٰ سیکرٹریٹ آن جاری اسہ بیان اسے ٹی اوپارے کہ دہشت گردی واقعہ نا مذمت ءِ کینہ دا جلہو اٹی دمدستی ورندی کارروائی ٹی 12 دہشت گرد آتا زوال کننگ پاک فوج انا جیرت و نرزوری نا شاہدی ءِ، پاک فوج دلیری اٹ دہشت گرد آتے بھلو نسخان اس ترسا قوم انا کاٹم ءِ گمر اٹ بڑزکرینے۔ ارض پاک نا رکھ اکن شہید آتا قربانیک زیان مفسہ، نگراں وزیراعلیٰ بلوچستان پارے کہ قوم تینا فوج اتون ہم کوپہ سلوک ءِ۔ اوڈکھیائی نا داساہت اٹ شہید آتا خاہوت آتون ہڑزخواہی و ہمدردی نا درشانی ءِ کرسا شہید آتا درجہ غاتا بڑزی و خاہوت کن صبر وجمیل نا دعاکرے۔
