اسلام آباد۔ 07 ستمبر (اے پی پی) پاکستان پولیو پروگرام پارینے کہ پاکستان و اوغانستان ہمو اسٹ انگا ملک آک رہینگانو ہراڑے پولیو داسہ ہم چناتیکن خطرہ اسے، انسداد پولیو مہم اٹی زیات آن زیات بشخ ہلنگ ننا غٹ انا قومی فرض ءِ، پولیو اسہ لاعلاج ءُ مرض اسے، تینا چناتے مچ آ وئی نا معذوری آن بچفنگ کن پولیو نا پڑی کنفنگے۔ پاکستان پولیو پروگرام نا سینئر میڈیا منیجر ذوالفقار علی باباخیل نا کنڈآن جاری بیان نا رداٹ پشاور و کراچی آن ہلوک آ 4 چاگڑدی وڑتیٹی پولیو دین نا مننگ بھاز گڑتی اسے۔ وار وار آ پولیو نا پڑی کُنفنگ آن دنیا نا غٹ ملک آک پولیو آن پاک مسنو وخت اس کہ پاکستان و اوغانستان ہمو اسٹ انگا ملک آک رہینگانو ہراڑے پولیو داسہ ہم چناتیکن خطرہ اسے۔ انسداد پولیو مہم اٹی زیات آن زیات بشخ ہلنگ ننا قومی فرض ءِ پولیو اسہ لاعلاج ءُ ناجوڑی اسے ہراڑان 5 سال اسکان نا وئی نا چناتے غٹ آن زیات خطرہ ءِ۔ دادین آن چناک مچ آ وئی کن معذور مننگ کیرہ، داتسکان کہ گڑاس کیس آتیٹی چناتا مرک ہم واقع مننگ کیک۔ پنچ سال آن کم وئی نا غٹ چناتے دا موذی مرض آن پولیو نا پڑی کنفسا بچفنگ مریک۔
