اسلام آباد۔6ستمبر (اے پی پی): ادارکی مزن وزیرانوار الحق کاکڑ کمانڈر (ر) عابد حسین خان ءِ گس ءَ شتگ ءُ گوادر ءَ پاک بحریہ ءِ ہیلی کاپٹر وا کیہ ءَ شہید بوھوکیں آئی ءِ زھگ لیفٹیننٹ کمانڈر حمزہ عابد ءِ آکبت پہ ھیری ءِ واستہ پاتیہ وانی کت ، ءُ گمیگیں ھاندان ءَ گوں دلپدری ءِ درشان کت۔ چار شمبے ءَ وتی یک ٹویٹے ءَ مزن وزیر ءَ گوشت کہ آئیءَ گوادر ءَ پاک بحریہ ءِ ہیلی کاپٹر واکیہ ءَ شہید بوھو کیں لیفٹیننٹ کمانڈر حمزہ عابد ءِ مات ءُ پت ءُ گس ءِ مردم آں گوں پاک بحریہ ءِ سروک ایڈمرل محمد امجد خان نیازی ءِھمبراہ دلپدردی ءِ واستہ آئی ءِ گس ءَ شت۔ مزن وزیر ءَ گوشت کہ ما یک راجے ءِبستار ءَ وتی شہید آنی وامدار آں، اللہ پاک شہید آنی درجگ آں برز ءُ بلند بکنات۔ مزن وزیر ءَ لیفٹیننٹ کمانڈر حمزہ عابد ءِ آکبت پہ ھیریءِ واستہ پاتیہ وانی کت۔
