کوئٹہ۔ 06 ستمبر (اے پی پی):بلوچستان ءَ کانگو وائرس ءِ سبب ءَ یک دگہ مریض ءِ بیران بوت گوزوکیں سال ءَ بیران بوتگیں مریض آنی کساس 11 بوتگ کہ آ کانگو نادراھی ءِ آماچ بوتگ انت۔ 25 سالی نعمت اللہ ءِ دپ ءُ پونز ءَ چہ ھون اتکگ اے رد ءَ آئی ءَ فاطمہ جناح ہسپتال ءَ برگ بوتگ۔ ہسپتال ءِ انتظامیہ ءَ گوشتگ کہ مریض ءِ سیادی گوں اوگانستان ءِ دمگ قندھار ءَ چہ بوتگ آ چار شمبے ءِ روچ ءَ دوران ءِ علاج ءِ ساھت ءَ بیران بوتگ۔ یات دارگ بہ بیت کہ بلوچستان ءَ کانگو وائرس ءِ نادراھی ءِ گیش بوھگ ءِ سبب ءَ حکومت ءَ فاطمہ جناح ہسپتال ءَ کانگو وائرس ءِ مریض آنی واستہ جتا ئیں وارڈ جوڑ کتگ۔
