اسلام آباد ۔ 06 ستمبر (اے پی پی) نگراں وزیراعظم انوارالحق کاکڑ پارینے کہ حکومت کراچی نا پوریاگر آتے مون تروک غٹ ویل آتا ایسری ءِ پک کیک۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او گورنر سندھ کامران خان ٹیسوری تون گپ وتران کرسا کرے ہرا چارشنبے نادے آ داڑے اوڑتون اوڑدہی کرے۔ اوڑدہی ٹی گورنر سندھ وزیراعظم ءِ صوبہ سندھ انا انتظامی امور وامن و ایمنی نا بابت سرجم وڑاٹ معلومدار کرے۔ اوڑدہی ٹی گورنر سندھ وزیراعظم ءِ کراچی نا پوریاگر و کراچی چیمبر آف کامرس نا کنڈآن بجلی نا نرخ آتا بابت سلاہ پیش کرے۔ وزیراعظم گورنر سندھ انا منت واری ءِ ہرفے و تعلقدار ادارہ غاتے دا سلاہ تا بابت سرجم سلابت نا پارت جاری کرے۔ وزیراعظم پارے کہ حکومت کراچی نا پوریاگر آتے مون تروک غٹ ویل آتاایسری ءِ پک کیک۔ وزیراعظم تعلقدار کمامدارآتے پارت کرے کہ کراچی چیمبر آف کامرس نا سلاہ تیا سلابت آن پد زوت رپورٹ پیش کننگے۔
