شہید آک ننا پیشانی نا جھومر، نن اوفتا قربانی تا کڑزدار اُن، نگراں وزیراعظم انوارالحق کاکڑ نا دود آن تران

اسلام آباد۔ 06 ستمبر (اے پی پی) نگراں وزیراعظم انوارالحق کاکڑ یوم دفاع و شہداآ لمہ وطن کن جون تے ندر کروک آ ہیرو تے خراج عقیدت  پیش کرساپارینے کہ شہید آک ننا پیشانی نا جھومر ءُ و نن اوفتا قربانی تا کڑزدار اُن۔ داخیال آتا درشانی ءِ او یوم دفاع نا بابت قومی یات گار شکرپڑیاں ٹی اڈ ہلوک دود آن تران کرسا کرے۔ داوخت آ نگراں بنجائی وزیر حوالکاری وشینکاری مرتضیٰ سولنگی ساڑی ئس۔ نگراں وزیراعظم دود آن تران کرسا پارے کہ لمہ وطن نا دفاع کن تینا جون تے ندر کروک آ شہید آتے خراج عقیدت پیش کینہ و داڑے یوم دفاع و شہدانا دود اٹی بشخ ہلنگ کن ساڑی اُن کہ نن تینا شہید آتے است آن دتنن۔ او اللہ نا کسر اٹ تینا جون تے ندر کیرہ۔ شہید آک ننا پیشانی نا جھومرآک ءُ۔ نن شہید آتا قربانی و اوفتا خاہوت نا مقروض اُن۔ دا کڑز انا ادائیگی ٹی ہرا چنکو نذرانہ اس نن پیش کننگ کینہ او اوفتا و اوفتا دوست آتا تکریم ءِ۔ اوپارے کہ ہندا ہمو جوزہ ءِ ہرانا ذکر ءِ علامہ اقبال ہم تینا شئیر آتا کمک اٹ کرے۔ شہادت اسہ عظیم ءُرتبہ سے ہرانا اللہ تعالیٰ نا کنڈآن بھاز بھلو اجر اسے۔