اسلام آباد۔ 06 ستمبر (اے پی پی) نگراں وزیرداخلہ سرفراز احمد بگٹی پارینے کہ یوم دفاع ننے ننا سلہہ بند فوج نا بے مٹ جیرت و نرزوری نا یات ترفک، دفاع وطن کن جون تے ندر کروک آ شہید آتے سلام پیش کینہ۔ چارشنبے نادے آ وزارت داخلہ غان جاری بیان نا رداٹ داخیال آتا درشانی ءِ او یوم دفاع آ قوم انا پن تینا کلہو اٹی کرے۔ نگراں وزیرداخلہ پارے کہ یوم دفاع ننے ننا سلہہ بند فوج انا بے مٹ جیرت و نرزوری نا یات ترفک۔ وطن نا نرزور گلزادہ غاک دشمن نا برخلاف بے خوفی اٹ جنگ ترسا تاریخ نا روشنا ءُ بشخ اس نوشتہ کریر۔ اوپارے کہ دفاع وطن کن جون تے ندر کروک آشہید آتے سلام پیش کینہ۔ وطن عزیز ءِ اینو انتہاپسندی، دہشت گردی کون آ چیلنج مون تروک ءِ۔ پاکستان نا سلہہ بند فوج ہروڑنا تہہ و پیشن خطرہ غاتا برخلاف دفاع وطن کن سنبرینگوک ءِ۔ سرفراز احمد بگٹی پارےکہ ملکی سالمیت و شونداری نا برخلاف ناپاک عزم ءِ بے سہب کننگ کن قوم تینا نرزور فوج اتون سلوک ءِ۔ پاکستان نا کنڈ آ خراب انگا نظر اٹ ہروک آ عزم ءِ مش تا کینہ۔
