لاہور۔ 06 ستمبر (اے پی پی) مسکوہی وزیراعظم و مسلم لیگ (ن) نا صدر محمد شہباز شریف پارینے کہ یوم دفاع پاکستان نا وخت آ شہداو غازی تے سلام پیش کینہ۔ چارشنبے نادے آ جاری بیان اٹی محمد شہباز شریف پارے کہ جنگ ءِ ستمبر الس و فوج انا دفاع وطن کن یک جان مرسا جنگ تننگ نا روشنا تاریخ نایات گار ءُ دے اسے، دا ہمودے ءِ ہراتم پاکستان نا شیر دل الس و فوج تینے آن کیہی ہنداخہ بھلا دشمن ءِ شکست تسر۔ اوپارے کہ پاکستان نا فضائیہ ، بحریہ و بری فوج جنگ ءِ ستمبر اٹ تینا بے مٹ شجاعت، نرزوری وکسبی مہارت ءِ منفیر۔ محمد شہباز شریف پارے کہ اینو نادے قوم شہید آتے خصوصی سلام عقیدت پیش کیک ہرافک تینا جون تے ندر کرسا ارض پاک نا بقا وسلامتی ءِ پک کریر۔ اوپارے کہ ہراتم دشمن ہکل تسوسس تو مچ آ قوم ہروڑنا تقسیم ءِ چٹفسا اسٹ مسوسس، اینو اسہ وار ولدا ہنداوڑ پاکستان کن اسٹ مننگ نا گرج ءِ۔ اونا پاننگ ئس کہ جنگ ءِ ستمبر سبخ اسے کہ قوم انا سیوت، سوگو فوج و زرگزرانی شونداری ننا بقا نا کسر ءِ۔ محمد شہباز شریف پارے کہ جنگ ءِ ستمبر نا جوزہ، سیوت و عزم اٹ پاکستان نا دفاع، شونداری و زرگزرانی شونہالی نا مزل ءِ دوئی کننگ مریک۔ مسکوہی وزیراعظم دعاکرے کہ اللہ تعالیٰ شہید آتا درجہ غاتے بڑز و پاکستان کن قربانی تروک آتے اجر عظیم ایتے۔
