اسلام آباد۔ 06 ستمبر (اےپی پی) نگراں بنجائی وزیر قومی جان جوڑی ڈاکٹر ندیم جان پارینے کہ یوم دفاع و شہداننے پاکستان نا سلہہ بند فوج انا بے مٹ جیرت و نرزوری نا یات ترفک، 6 ستمبر نادے دھرتی نا نرزور مارتا عظیم قربانی تا جوزہ نا یات انا وڑاٹ اڈتننگک۔ چارشنبے نادے آ وزارت جان جوڑی آن جاری بیان نارداٹ داخیال آتا درشانی ءِ او یوم دفاع نا وخت آ تینا کلہو اٹی کرے۔ ڈاکٹر ندیم جان پارے کہ مچ آ ملک اٹی یوم دفاع ءِ اینو پبی وڑاٹ اڈتننگ انگ ءِ۔ 6 ستمبر نادے دھرتی نا نرزور مارتا عظیم قربانی نا جوزہ نا یات انا وڑاٹ اڈتننگک۔ یوم دفاع و شہداننے تینا سلہہ بند فوج انا بے مٹ جیرت و نرزوی نا یات ترفک۔ اوپارے کہ یوم دفاع نا وخت آ شہداء، غازی و اوفتے تون گنڈوک غٹ رشتہ غاتے سلام پیش کیوہ۔ قوم دا گل زمین نا نرزور مارتے پبی خراج عقیدت پیش کیک۔ 6 ستمبر بدل مفروک عزم، جوزہ حب الوطنی ، عظیم قربانی تا نشانی ءِ۔ مچ آ قوم پاکستان کنڈ کنڈ رہی رہی انا دفاع کن تینا سلہہ بند فوج اتون ہم کوپہ سلوک ءِ و سلک۔
