لاہور۔ 06 ستمبر (اے پی پی) پاکستان مسلم لیگ (ن) نا سینئر نائب صدر و چیف آرگنائزر مریم نواز شریف یوم دفاع پاکستان آ شہداو غازی تے سلام عقیدت پیش کرسا پارینے کہ 6 ستمبر 1965 ہندن ءُ تاریخی و یات گار دے اسے ہراتم طاقت نانشہ ٹی چور کیہی ہندا خہ بھلا دشمن ءِ وسیلہ و کچ اٹی بھاز کم اسہ قوم اس شکست فاش تسوسس۔ چارشنبے نادے آ دا بابت جاری بیان اٹی مریم نواز پارے کہ سمندر، صحرا، فضا، فلک بوس ٹل ومیدان تیٹی ہرجاگہ غا، ہر پڑآ ننا فوج شجاعت و نرزوری نا ہمو کارنامہ ءِ نشان تس ہرادشمن ءِ عبرت نا مثال اس جوڑکریسس۔ اوپارے کہ پاکستان نا فوج و متحد الس اواری اٹ پاکستان نادفاع ءِ ناقابل تسخیر کیرہ۔ دا سیوت آ ضرب خلنگ، پاکستان نا دشمن تا اصل ڈٹ ءِ ہرادے ننے اواری اٹ بے سہب کروئی ءِ و دشمن نا دارشتہ ٹی دراڑ شاغنگ نا ناپاک کوشست ، حسرت ناتمام ہی سلک انشاء اللہ۔ اوپارے کہ شہید آتا تقدس و شرف آ قوم وخت اس ہم سجھوتہ کرے نئے کیک، قوم شہید آتا قربانی و اوفتا شرف نا وارث ءِ۔ شہید آتا تقدس و شرف ننا ایمان نا بشخ ءِ۔
