اسلام آباد۔5ستمبر (اے پی پی): ادارکی وزیر ءِ درئی کار جلیل عباس جیلانی ءَ گوں بنی آدمی ھک ءُ زالبول آناں وت مستر جوڑ کنگ ءِ ھوالگ ءَ ھاسیں کمکار مشعال حسین ملک ءَ گند ءُ نند کتگ۔ اے موہ ءَ وزارت ءِ درئی کار ءُ بنی آدمی ھک ءِ وزارت ءِ نیام ءَ شریکدار آنی تہ ءَ گیشی ءُ یونائیٹڈ نیشن ءِ جنرل اسمبلی ءِ دیوان ءَ ھوار میاں اوستمانی تک ءَ پاکستان ءِ بن گپ ءَ را سہرا کنگ ءِ ھوالگ ءَ ھیال ریچی کنگ بوت۔ وزارت ءِ درئی کار ءِ نیمگ ءَ چہ جاڑی بوتگیں جار ءِ رد ءَ ادارکی وزیر ءِ درئی کار جلیل عباس جیلانی ءُ مزن وزیر ءِ ھاسیں کمکار ءَ گیر کانودی بھارتی مقبوضہ جموں کشمیر ءَ ہزارانی سیاسی باسک، اھوالکار ءُ بنی آدمی ھک ءِ دیمپانی کنوکیں باسک آنی دزگیری ءِ ھوالگ ءَ چار ءُبچار کت۔ آئیءَ بھارتی کارندہ آنی نیمگ ءَ چہ کشمیری سروک آنی تہ ءَ سیاسی باسک، اھوالکار ءُ بنی آدمی ھک آنی دیمپانی کنوکیں باسک آنی دزگیری آنی سر ءَ چار ءُ بچار کت۔
