اسلام آباد۔ 05 ستمبر (اے پی پی) اسلامی نظریاتی کونسل نا سیکرٹری ڈاکٹر اکرام الحق پارینے کہ ارٹ میکو برام کن اولیکو زائیفہ غان موکل ہلنگ نا شڑت ءِ چٹفنگ نا کونسل ہچ ءُ سلاہ اس تتنے۔ سے شنبے نادے آ ’’اے پی پی‘‘ تون گپ وتران کرسا اوپارے کہ سوشل میڈیا پلیٹ فارم آ ارٹ میکو برام کن اولیکو زائیفہ غان موکل ہلنگ نا شڑت ءِ چٹفنگ نا بیان اٹی ہچ ءُ حقیقت اس اف۔ اوپارے کہ چیئرمین اسلامی نظریاتی کونسل قبلہ ایاز نا پن اٹ ہیت آک سٹی ءُ،او داوخت آکابل اٹی ءِ و کونسل نا دابابت داسکان ہچ ءُ دیوان اس متنے۔
