اسلام آباد۔ 05 ستمبر (اے پی پی) نگراں وزیراعظم انوارالحق کاکڑ پی آئی اے نا تنظیم نو کن تفصیلی پلان اقتصادی رابطہ کمیٹی ٹی پیش کننگ ناپارت کرسا پارینے کہ ملک انا مر مر انگا علاقہ غاتا ایلو شار تتون فضائی رابطہ ءِ پین گچین کننگ کن گام گیج کننگے، جہاز آتا وخت ءُ پاس مسافر آتا آسراتی نا رداٹ تخنگے۔ داخیال آتا درشانی ءِ او سے شنبے نادے آ داڑے تینا کماشی ٹی پاکستان انٹرنیشنل ایئرلائنز نا بابت بڑزکو کہولی دیوان اٹی گپ وتران کرسا کرے۔ دیوان اٹی نگراں بنجائی وزیر خزانہ ڈاکٹر شمشاد اختر، سلاہکار نگراں وزیراعظم ہوابازی ایئرمارشل (ریٹائرڈ) فرحت حسین، سلاہکار نگراں وزیراعظم احد چیمہ و تعلقدار سرکاری آفیسر آک بشخ ہلکر۔ نگراں وزیراعظم ءِ پی آئی اے نا کارکڑد نا بابت سرجمی اٹ حوال تننگا۔ نگراں وزیراعظم پارت کرے کہ مر مر انگا علاقہ غاتا ملک انا ایلو شار تتون فضائی رابطہ ءِ پین گچین کننگ کن گام گیج کننگے۔ پی آئی اے نا جہاز آتا وخت ءُ پاس ءِ مسافر آتا آسراتی نا رداٹ تخنگے۔ پی آئی اے اسہ اہم قومی ادارہ اسے ، ہرامستین اٹ شاندار فضائی سروس فراوان کرے و مچ آ دنیا ٹی پن کٹا۔ پی آئی اے ءِ اسہ وار ولدا آن گچین ءُ ادارہ اس جوڑ کننگ کن پی آئی اے مینجمنٹ و ہوابازی ڈویژن دے ونن کاریم کیر۔ پی آئی اے نا ری سٹرکچرنگ نا بابت سرجم پلان اس زوت آن زوت اقتصادی رابطہ کمیٹی ٹی پیش کننگے۔ پی آئی اے ایکٹ 2016ٹی ساڑی آ ترمیم آن پی آئی اے نا ری اسٹرکچرنگ نا کسر آوار مسنے۔ اوپارے کہ پی آئی اے نا جہاز آتا وخت ءُ پاس ءِ مسافر آتا آسراتی نا رداٹ تخنگے۔ اوپارت کرے کہ پی آئی اے نا کارکڑد ءِ گچین کننگ کن پی آئی اے انتظامیہ و ہوابازی ڈویژن دے ونن کاریم کیر و پی آئی اے نا ری اسٹرکچرنگ نا بابت سرجم پلان اس زوت آن زوت اقتصادی رابطہ کمیٹی ٹی پیش کننگے۔ دیوان ءِ پاننگاکہ پی آئی اے ایکٹ 2016ٹی ساڑی آ ترمیم آن پی آئی اے نا ری سٹرکچرنگ نا کسر آوار مسنے۔
