اسلام آباد۔ 05 ستمبر (اے پی پی) چیف کمشنر اسلام آباد کیپٹن (ر) انوارالحق پارینے کہ اسلام آباد اٹی مہلک دین ءِ کنٹرول کننگ کن ہرممکن وسیلہ غاتے کاریم اٹ اتنگک، خلقی علاقہ اسلام آباد ننا اولیت آتیٹی اوار ءِ، و شاری تا جان نا رکھ اکن ہرممکن گام گیج ننا اولیت ءِ۔ داخیال آتا درشانی ءِ او سے شنبے نادے آ تینا کماشی ٹی مروک آ انسداد ڈینگی مہم نابابت دیوان آن تران کرساکرے۔ انسداد ڈینگی مہم نا دیوان اٹی ڈپٹی کمشنر اسلام آباد عرفان نواز میمن، ڈائریکٹر ایڈمن، ڈسٹرکٹ ہیلتھ آفیسر، ایڈیشنل ڈپٹی کمشنر، اسسٹنٹ کمشنر و مجسٹریٹ، محکمہ جان جوڑی نا نمائندگان و ایلو اسٹیک ہولڈر آک ساڑی ئسر۔ داوخت آ ڈپٹی کمشنر اسلام آباد عرفان نواز میمن چیف کمشنر اسلام آباد کیپٹن (ر) انوارالحق ءِ انسداد ڈینگی مہم نا بابت حوال تس وپارے کہ سرویلینس ٹیم فیلڈ اٹی ساڑی ءِ، سرویلینس ٹیم چندی جاگہ غاتیا دورہ کننگ ءِ و ایس او پی تا خلاف ورزی آ سخت آن سخت کارروائی کننگ انگ ءِ۔
