کمشنر کوئٹہ و اونا انتظامی ٹیم نا کنڈآن شار آن تجاوزات آتا چٹفنگ  وسفائی مہم نا بنا بھاز ستاکڑزک، نگراں وزیراعلیٰ بلوچستان

کوئٹہ۔ 03 ستمبر (اے پی پی) نگراں وزیراعلیٰ بلوچستان میر علی مردان خان ڈومکی ضلعی انتظامیہ نا کنڈآن کوئٹہ نا گچینی نا گام گیج آتا بناء ءِ کننگ نا خیرمقدم ءِ کرسا پارینے کہ کوئٹہ بلوچستان نا چہرہ و پہچان ءِ۔ اوپارے کہ کمشنر کوئٹہ و اونا انتظامی ٹیم نا کنڈآن شار آن تجاوزات آتا چٹفنگ و سفائی مہم نا بنا بھاز ستاکڑزک، صوبائی دارالحکومت ادارہ غاتا بے چکاری و ڈٹ بندی نا کمتی آن گوناگوں ویل آتا گواچی مسنے، کوئٹہ نا روایتی حسن ءِ بحال کننگ کن غٹ تعلقدار ادارہ غاک مربوط لائحہ عمل اس جوڑ کیر، شار اٹی سفائی نا حالیت آتا گچینی کن جنگی بنداو تیا گام گیج نا گرج ءِ۔ شار اٹی دیر انا کمتی اسہ بھلو ویل اسے  ہرانا ایسری صوبائی حکومت نا اولیت مریک۔نگراں وزیراعلیٰ پارت کرینے کہ کمشنر کوئٹہ پرائس کنٹرول کمیٹی فعال کرسا نہاد آتیٹی سوگوی اتے، کوئٹہ پیکج نا زوت پوروی ءِ پک کننگک، کوئٹہ پیکج اٹ اوار سڑک آتا ڈٹ پورو مننگ آن شار انا حالیت آتیٹی نمان گچینی بریک ، وزیراعظم نا منت واراُن کہ او کوئٹہ کن سد گرین بس تننگ نا پڑو کرے، شار انا ایلو روٹ آتیا ہم گرین بس سروس نابناءِ کرسا شاری تے سفر نا پوسکن آ سراتی فراوان کننگک، صوبائی حکومت کوئٹہ شار اناو یل آتا ایسری کن کمشنر و اونا  انتظامی ٹیم انا پبی سرپرستی ءِ کیک۔