حکومت سیل و سوات نا صنعت اٹ درملکی زرکاری نا مون آ سدننگ کن گام  گیج کننگ ءِ، نگراں وزیر مملکت سیل و سوات وصی شاہ

اسلام آباد۔ 03 ستمبر (اے پی پی) نگراں وزیر مملکت سیل و سوات وصی شاہ پارینے کہ حکومت سیل و سوات نا صنعت کن درملکی زرکاری و زرکارآتا پت ء، ودفنگ کن اہم گام گیج کننگ ءِ تانکہ پاکستان نا سیل  وسوات نا لائخی ءِ پٹنگ مرے ہراڑان جہانی کہول آ پاکستان نا مثبت تشخص ءِ مون آ دننگک۔ شنبے نادے آ اسہ نجی نیوز چینل اسے تون گپ وتران کرسا پارے کہ غٹ جہانی فورم تیا پاکستان  نا پبی سیل وسواتی میرات ءِ مون آ دننگ و اونا نمائش کن پبلک پرائیویٹ اسٹیک ہولڈرز آتا فعال بشخ ہلنگ آن کوشست برجاءِ۔ اوپارے کہ زوت سکردوٹی اولیکو تھیم پارک انا بنداو ءِ تخنگک۔ وزیر مملکت  سیل و سواتی پارے کہ سیل و سواتی تے داتم اسکان نا گچین آسراتی فراوان کننگ کن غٹ ممکنہ گام گیج کننگک۔ او مستی پارے کہ سیل وسوات نا بشخ قومی زرگزران ءِ سوگو کننگ و ملک ءِ شونداری وشونہالی کن فعال کڑد ادا کیک۔ وصی شاہ پارےکہ ٹریول انڈسٹری نا شونداری آن ہندی کمیونٹی تے ہم فائدہ بایدے رسیفنگے۔ اسہ سوج اسے نا ورندی ٹی اوپارے کہ پاکستان اٹ بھلو کچ اسے ٹی درملکی سیل وسواتی و درملکی پاکستان تے ملک انا دودوربیدگ ، چاگڑدی سیل و سوات و مذہبی سیل و سوات کن اتنگ نا پبی لائخی ارے۔