میڈیا ءِ لھتیں جاگہاں سرپانک مزن وزیر ءِ صحافی آنی گوما بل بجلی ءِبل آنی ہوالگءَ گپء ُ تران ءَ را        مٹ ءُ بدل کنگ ءُ پیش کنگ بوتگ اَنت، مزن وزیر  ءَ کدی ہم  ناگشتگ کہ بجلی ءِ بل آنی جیڑہ نان ایشو اِت، مرتضیٰ  سولنگی

اسلام آباد۔2ستمبر  (اے پی پی): حا ل ء ُ اھیوال کاری ء ُ شنگکاری ءِ سرپانک وزیر مرتضیٰ سولنگی ءَ گشتگ کہ میڈیا ءِ باز جاگہاں سرپانک مزن وزیرءِ صحافی آنی گوما بجلی ءِ بل آنی ہوالگءَ کتگیں گپ مٹء ُ بدل کنگ ء ُ پیش کنگ بوتگ  اَنت، مزن وزیر ءَ کدی ہم ناگشتگ کہ بجلی ءِ بل آنی جیڑہ نان ایشو اِت ءُ بجلی ءِ بل آنی جیڑہ ءِ سرءَ مردم پریشان نیاں ، بلکیں  مزن وزیرءَ اے  حال داتگ کہ جیڑہ چے حساب ءَ ودی بوتگ ،  چے وڑءَ آ اے جیڑ ہ ءَ را گیشءُ گیواری ءِ نیمگءَ برگءَ اِنت۔ شمبے ءِ روچءَ وتی بیان ءِ تہا بنجاہی سرپانک   بنجاہی وزیر ءَ گشتگ کہ سرپانک مزن وزیر  ءَ     31 اگست ( پنچ شمبے) ءِ روچءَ  اسلام آباد ءَ صحافی آنی گوما  گہ ءُ تان کتگ  ءُ آیانی جستانی پسو  داتگ۔ بجلی ءِ بل آنی ہوالگ ءَ گپ ء ُ تران مٹ کنگ ء ُ  رپورٹ کنگ بوتگ اَنت۔آئیءَ گشتگ کہ مزن وزیر ءَ چہ جست کنگ بوتگ کہ بجلی ءِ بل آنی جیڑہ انچین اِت کہ آئی ءَ چہ ملک ءَ  یک طوفانے اَتکگ ءُ یا تکانسری شنگ بوتگ؟ کہ ایشی ءِ سرءَ مزن وزیرءَ گشتگ کہ اے وڑ  نا اِنت کہ ملک ءَ  تکانسری ءِ جاورھال ودی بہ بیت۔ مزن وزیر ءَ  کدی ہم ناگشتگ کہ بجلی ءِ بل آنی  جیڑہ نان ایشو اِت۔ آئی ءَ  اے وڑ نا گشتگ کہ بجلی ءِ بل آنی جیڑہ ءِ سرءَ مردم پریشان نیاں بلکیں مزن وزیرءَ اے گشتگ کہ  اے جیڑہ ودی چون بوتگ، چے وڑءَ  آ اے جیڑہ ءِ  گیش ء ُگیواری ءِ نیمگءَ رؤگءَ اَنت۔  آئی ءَ گشتگ کہ لھتگیں زمہ واریں  صحافی آں اے گپ ءَ را  پکہ کتگ کہ  مزن وزیرءَ اے وڑ  ناگشتگ کہ  اے جیڑہ     سنجیدگیں جیڑہے نااِت، بلکیں مزن وزیرءَ  اے گشتگ  کہ   میاں اوستمانی ادارگانی گوما مئے کمٹمنٹ اَست اَنت، ما میاں  اوستمانی ادارگانی گوما کتگیں سوگنداں آماچ  کنگءَ ابید ہم مردمانی جیڑہ ء ُ جنجالاناں گیشءُ گیوار کناں، بلے میڈیا ءَ رپورٹ بوتگ کہ مزن وزیر ءَ گشتگ کہ بجلی ءِ جیڑہ مزنیں جیڑہے  نااِت ء ُ مزن وزیرءَ را پراجیکٹ  کنگ  بوتگ کہ آئی ءَ را مردمانی جیڑہ ء ُجنجالانی   ایچ مارشت نیست۔ مرتضیٰ  سولنگی ءَ اے موہ ءَ فیض احمد  فیض ءِ شعر آنی   درور داتگ، ”وہ بات سارے فسانے میں جس کا ذکر نہ تھا……..وہ بات ان کو بہت ناگوار گذری ہے“ آئی ءَ میڈیا ءَ گوں دزبندی کتگ کہ ہرچی کہ گشگ بیت آئی ءَ را راستی ءَ رپورٹ کنگ بہ بیت۔