اسلام آباد۔ 04 ستمبر (اے پی پی) صدر مملکت ڈاکٹر عارف علوی تون نگراں بنجائی وزیر کانود و انصاف احمد عرفان اسلم داڑے ایوان صدر اٹی اوڑدہی کرے۔ ایوان صدر نا پریس ونگ آن دوشنبے نادے آ جاری بیان نا رداٹ اوڑدہی ٹی ملک اٹی لس گچین کاری تا اڈتننگ نا بابت کیہی امور آ گپ وتران کننگا۔ صدر مملکت نگراں وزیراعظم انوارالحق کاکڑ نا د رو نا ہمو بیان نا ستاءِ کرے ہراٹی او پاریسس کہ نگراں حکومت دابابت سپریم کورٹ آف پاکستان نا فیصلہ نا پاسداریءِ کیک۔ صدر مملکت آئین نا بالادستی ءِ برقرار تخنگ نا گرج آ زور شاغسا پارے کہ فیصلہ آئین نا رداٹ مرے۔
