کوئٹہ۔ 01 ستمبر (اے پی پی): تہی کارانی سرپانک صوبائی وزیر میر زبیر خان جمالی ءَ بنوں ءَ سیکیورٹی فورس آنی سرءَ ناشرکارانی وئیلءَ را ایر جتگء ُ اُرشءَ9 سیکیورٹی اہلکارآنی شہادت ءِ سرءَ گمءُ رنجی ءِ د رشانی کتگ۔ وتی یک بیان ءِ تہا تہی کارانی سرپانک صوبائی وزیر میر زبیر خان جمالی ءَ گشتگ کہ بہادریں سیکیورٹی اہلکارآناں ماتیں وطن ءِ رکینگءِ ھاترءَ وتی جان ندر کتگ اَنت۔ سرپانک وزیر میر زبیر خان جمال ءَ گشتگ کہ بزدلیں ناشرکار مئے سیکیورٹی فورس آنی جزم ءَ را نیزور کُت نا کن اَنت، فورس آنی قربانی راج ءِ ھاترءَ روژناہیں کِشک اِت۔ صوبائی سرپانک وزیر میر زبیر خان جمالی ءَ شہیدآنی حانداناں گوں دلپدردی ءِ درشانی کتگء ُ شہیدآنی درجگانی مزنی ء ُ ٹپیگ اہلکار آنی زوت جانء ُ سلامتی ءِ ھاترءَ دعا کتگ۔
