حال ء ُ اھیوال کاریء ِ سرپانک صوبائی وزیر جان  اچکزئی ءَ بنوں ءَ سکیورٹی فورس آنی سرءَ وت کُش اُرش ءَ را ایر جتگ

کوئٹہ۔ 01 ستمبر (اے پی پی):بلوچستان  ءِ حالء ُ اھیوال کاری ءِ سرپانک صوبائی وزیر ءَ بنوں ءَ سکیورتی فورس آنی قافلہ ءِ سرءَ ٹارگٹڈ وت  کُش بمب تراک ءَ را ایر جتگء ُ اُرشءَ 9 فوجی آنی شہید بوہگء ُ 20 ٹپیگ بوتگیں مردمانی سرءَ گم ء ُ رنج ءِ درشانی کتگ۔ وتی  یک بیان ءِ تہا حال ء ُ اھیوال کاری ءِ وزیر  جان اچکزئی ءَ اے گپ ء ِ سرءَ زور پر داتگ کہ اے بہادریں اُرد مئے راج ءِ بنیات اَنت ء ُ آیانی قربانی دائمءَ یات بنت۔ آئیءَ  گشتگ کہ ناشرکاری ءَ پاکستان ءَ را باز نقصان  داتگ ۔صوبائی وزیر ءَ بلوچستان حکومت ءِ فوج ء ُ آئیءِ  قیادتءِ گوما  یکوئی ءِ درشانی کتگء ُ گشتگ کہ  اے بیمناکیں وئیل مئے راج ءَ را ناشرکاری ءِ حلاپ ءِ جنگءَ   یک بوہگ ء ُ محکم  بوہگءِ سکین ءَ دئیاں، بلوچستان ءِ حکومت وتی شہری آناں رکینگءِ  جزم کتگ۔