اسلام آباد۔1ستمبر (اے پی پی): ملک مستر ڈاکٹر عارف علوی ءَ بنوں ءِ دمگ جانی خیل ءَ فوجی قافلہ ءِ سرءَ وت کُش کُش ارش ءَ را ایر جتگ ء ُ اُرش ءَ انسانی جانانی نقصان بوہگءِ سرءَ گمء ُ رنج ءِ درشانی کتگ۔ جمعہ ءِ روچءَ ایوان صدر ءِ پریس ونگ ءِ ردءَ وتی ایر جنگی بیان ءِ تہا ملک مسترءَ ناشرکاری ءِ سرجمیں ہلاسی ءِ راجی جزم ءِ درشانی کتگ ء ُ گشتگ کہ سرجمیں راج ناشرکاری ءِ حلاپ ءِ جنگءَ وتی بہادریں سکیورٹی فورس آنی گوما ہم کوپگ اِنت۔ ملک مستر ءَ گشتگ کہ ناشرکاری ءِ سرجمیں ہلاسی ءِ ھاترءَ کوشست برجاہ اِنت۔ آئیءَ شہید آناں ماتیں وطن ءِ ھاترءَ جان ندر کنگءَ دادء ُ سلام پیش کتگ۔ ملک مستر ڈاکٹر عارف علوی ءَ شہید آنی درجگانی مزنی ءِ ھاترءَ دعا کتگ ء ُ حانداناں گوں دلپدردی ءِ درشانی کتگء ُ سگء ُاوپارءِ دعا کتگ۔
