ڈبلیو ایچ او ءِ جان ءُ سلامتی ءِ پڑءَ ازمتءَ را سلام پیش کناں، جانءُ سلامتی ءِ سربانک  بنجاہی وزیر

اسلام آباد۔1ستمبر  (اے پی پی): جانءُ سلامتی ءِ سرپانک بنجاہی وزیر ڈاکٹر ندیم جان ءَ گشتگ کہک ڈبلیو  ایچ او ءِ جانءُ سلامتی ءِ پڑءَ ازمتءَ را دادء ُ سلام        پیش کناں، کورونا وائرس ءِ ہوپ ءِ تہا میاں اوستمانی اوستمانی ادارگءِ  جانء ُ سلامتی ءِ پڑءَ ازمت لکھ ستاہ کرز اَنت،  کسانیں وہدےءَ  جانءُ سلامتی ءِ پڑءَ  مزنیں کساسے ءَ مٹء ُ بدلی الم کنگ مئے مشن اِنت۔ اے   ھیالانی درشانی آئی ءَ پاکستان ءَ جانء ُ سلامتی ءِ   میاں اوستمانی ادارگءِ نمائدنگ   ڈاکٹر پلیتھا ماہی پالا ءَ گوں گپء ُتران کنان ءَ کتگ کہ آیاں  جمعہ ءِ روچءَ اِدءَ یکے دومی ءَ گوں گندء ُنندکتگ۔ گندء ُنندءِتہا جانءُ سلامتی ءِ پڑءِ گہتری ءِ ھاترءَ کتگیں گامگیجانی سرءَ ھیال ء  ُ لیکہ ءِ درشانی کنگ بوتگ۔ ڈاکٹر پلیتھا ماہی پالا ءَ ندیم جان ءَ را جانء ُ سلامتی وزارت ءِ عہدگ سمبالگءَ مراد بات داتگ۔ آئی ءَ گشتگ کہ میاں ا وستمانی نامداریں پبلک ہیلتھ ایکسپرٹ ءِ تعیناتی لکھ ستاہ کرز ایت۔  جانء ُ سلامتی ءِ میاں اوستمانی ادا رگءِ سروک  ڈاکٹر ٹیڈروس  ایڈہانوم ءُ ایمرو (مشرقی بحیرہ روم )ریجن ءِ ڈائریکٹر احمد المندھاری ءَ تئی تعیناتی ءِ سرءَ وشی ءِ درشانی کتگ۔ ڈاکٹر ندیم جان ءَ گشتگ کہ ڈبلیو ایچ او ءِ جانء ُ سلامتی ءِ پڑءَ ازمتءَ را دادء  ُ سلام  پیش کناں۔ ہرچ گرانیں  ساہتءَ ڈبلیوایچ او  پاکستان ءِ گوما ہم کوپگ بوتگ۔  کورونا وائرس ءِ ہوپ ءِ تہا  جانءُ سلامتی  ادارگءِ ازمت لکھ ستاہ کرز اَنت۔ آئی ءَ گشتگ کہ پولیو ءِ ہلاسی ءِ کوشستءَ ڈبلیو  ایچ ءِ کمک ءَ را    باز ارزشت دیئاں۔  راجی جان ء ُ سلامتی کارڈءِ وسیلگءَ یونیورسل  ہیلتھ کوریجءَ را الم کنگ بوہگءَ اِنت مزنیں نادراہ آنی سرءَ بار ءَ را کم کنگءِ ھاترءَ پرائمری ہیلتھ کیئر سسٹم ءَ را محکم کنگ بوہگءَ اِنت۔ پولیو ءِ ہلاسی ء ِھاترءَ  جوڑ کتگیں رھبندانی ردءَ  اہدافءِ سرءَ عمل درآمد جاری اِنت۔ سال ء ِ گڈی ءَ وائرس ءِ شنگ بوہگءَ را دارگءِ ٹاسک دیئگ بوت۔