اسلام آباد۔ 31 اگست (اے پی پی) نگراں وزیراعظم انوارالحق کاکڑ چندی گڑاتا اسمگلنگ ءِ توننگ نا پارت کرسا پارینے کہ سمندر پار پاکستانی ملک انا نہادی میرات ءُ ، زرگزران ناسوگوی کن اوفتا بھلو خذمت اسے، سمندر پار پاکستانی تے بالی پٹ آتیا غٹ آسراتی فراوان کننگے۔ داخیال آتا درشانی ءِ او پنچ شنبے نادے آ تینا کماشی ٹی ملکی زرگزران نا بابت اڈ ہلوک دیوان اٹی گپ وتران کرسا کرے۔ دیوان اٹی نگراں وزیر خزانہ ڈاکٹر شمشاد اختر، نگراں وزیر واپار گوہراعجاز، نگراں وزیرداخلہ سرفراز احمد بگٹی، نگراں وزیرحوالکاری و شینکاری مرتضیٰ سولنگی، سلاہکار وزیراعظم احمد چیمہ، گورنر اسٹیٹ بینک جمیل احمد، چیئرمین ایف بی آر ملک امجد زبیر ٹیوانا، بنجائی سیکرٹری و تعلقدار ادارہ غاتا بڑزکو آفیسر آک ہم شریک ئسر۔ دیوان اٹی نجی بشخ انا پنی آ صنعت کار آک ہم بشخ ہلکر۔ دیوان اٹی وزیراعظم ءِ ملکی زرگزران نا ساڑی آ ٹک آتیان معلومدار کننگا و ملکی زرگزران نا ساڑی حالیت آتا جاچ ءِ ہلنگا۔ دیوان اٹی چندی گڑاتا اسمگلنگ نا توننگ کن گچین حکمت عملی نا ٹہیفنگ نا بابت سلابت کننگا۔ دیوان اٹی ایران تون ہل وتس نا واپار نا ساڑی آ پیش رفت نا ہم جاچ ءِ ہلنگا۔ پوریاگر برادری نانمائندہ غاک وزیراعظم ءِ ملکی زرگزران نا بحالی کن نگراں حکومت تون پورو کمکاری نا باوری کرفینو۔ دیوان اٹی ڈالر نا ودوک آ نہاد نا رداٹ فارن ایکسچینج نا غیرکانودی کاروبار نا توننگ آ سرجمی اٹ گپ وتران کننگا۔ دیوان اٹی وزیراعظم امیگریشن و کسٹمز کمامدارآتے سمندر پار پاکستانی تے بالی پٹ آتیا غٹ آسراتی فراوان کننگ نا پارت کرے۔ وزیراعظم پارے کہ سمندر پار پاکستانی نناملک انا نہادی میرات ءُ و اوفتا ملکی زرگزران نا سوگوی کن خذمت ستاکڑزک۔ دیوان اٹی وزیراعظم ءِ ملکی زرگزران نا ساڑی آ ٹک آتا بارواٹی وزرگزران ءِ سوگو کننگ نا مممکنہ حکمت عملی تا بابت معلومدار کننگا۔ دیوان اٹی پاکستان ناپوریاگر برادری و صنعتی بشخ انا پنی آ بندغ آک ہم شریک ئسر، ہرافک وزیراعظم ءِ ملکی زرگزران نا سوگوی کن تینا کمکاری نا باوری کرفیر۔ وزیراعظم دیوان ٹی تعلقدار کمامدارآتے ملک آن اسمگلنگ نا توننگ نا سختی اٹ پارت کرے۔ داکان بیدس وزیراعظم کسٹمز و امیگریشن کمامدارآتے دیوان اٹی سمندر پار پاکستانی تے غٹ آسراتی فراوان کننگ نا پارت کرے۔ وزیراعظم ءِ ایران تون ہل و تس نا واپار نا ساڑی آ حالیت آتا بابت ہم معلومدار کننگا۔
