کراچی۔ 31 اگست (اے پی پی) نگراں وزیراعظم نا سلاہکار ہوابازی ایئرمارشل (ر) فرحت حسین خان و سیکرٹری ایوی ایشن سیف انجم سول ایوی ایشن ہیڈ کوارٹرز، کراچی نا دورہ ءِ کریر۔ تینا دورہ ٹی اوفک سول ایوی ایشن نا پورو و برجاڈٹ آتیا سرجمی اٹ حوال ہلکر۔ ترجمان سول ایوی ایشن اتھارٹی نا کنڈآن پنچ شنبے نادے آجاری بیان نا رداٹ نگراں وزیراعظم نا سلاہکار ہوابازی و سیکرٹری ایوی ایشن نا سول ایوی ایشن ہیڈ کوارٹر آ سرمننگ آ ڈی جی سول ایوی ایشن اتھارٹی خاقان مرتضیٰ و ایلو آفیسر آک اوفتے بخیرکریر۔ اوکان پد ڈی جی سی اے اے و بڑزکو کمامدارآک سلاہکار ہوابازی و سیکرٹری ایوی ایشن ءِ حوال تسر۔ داوخت آ اڈہلوک دیوان اٹی غٹ ڈٹ آتیا سرجمی اٹ گپ وتران کننگا۔
