اسلام آباد۔ 31 اگست (اے پی پی) اسپیکر قومی اسمبلی راجہ پرویز اشرف ڈائریکٹر ٹیلی کاسٹنگ قومی اسمبلی محمد الیاس نا لمہ نا کزیت آ ڈکھیائی و است ہسونی نا درشانی ءِ کرینے۔ محمد الیاس نا پن تینا جاری ہڑزخواہی کلہو اٹی اسپیکر راجہ پرویز اشرف اونا لمہ نا کزیت آ ہڑزخواہی کرسا ڈکھیائی و است ہسونی نا درشانی ءِ کرے۔ اوپارے کہ ڈکھیائی نا داساہت اٹی او اونا غم اٹی بریبرنا شریک ءِ۔ اوپارے کہ لمہ و باوہ قدرت نا انمول ٹیکی ءُ اوفتا اِلنگ بھلو صدمہ و بے بدل نسخان اسے ہرادے مدت اسکان پورو کننگ مفک۔ اسپیکر پدسلوک خاہوت تون ہمدردی و یکجہتی نا درشانی ءِ ہم کرے۔ اسپیکر راجہ پرویز اشرف اللہ تعالیٰ آن ایماندار نا درجہ غاتا بڑزی و دپدسلوک آ خاہوت ءِ دا بے بدل نسخان ءِ سگنگ کن صبر وجمیل عطاکننگ نا دعاکرے۔ داکان بیدس سیکرٹری قومی اسمبلی طاہر حسین، قائم مقام سیکرٹری مبارک علی چوہدری، ایڈیشنل سیکرٹری سید شمعون ہاشمی، ایڈیشنل سیکرٹری محمد مشتاق و ڈی جی میڈیا قومی اسمبلی ظفر سلطان خان ئسک ہم ڈائریکٹر کاسٹنگ محمد الیاس تون اونا لمہ نا کزیت آ ہڑزخواہی کریر۔ اومحمد الیاس و اونا خاہوت تون ہمدردی و ہڑزخواہی نا درشانی ءِ کرسا اونا لمہ نا کزیت ءِ بھلو سانحہ و بے بدل نسخان اس گوندار۔ اوفک اللہ تعالیٰ آن ایماندار نا درجہ غاتا بڑزی و دپدسلوک آ خاہوت ءِ دا بے بدل نسخان ءِ سگنگ کن صبر وجمیل نا دعا کریر۔
