اسلام آباد۔ 31 اگست (اے پی پی) نگراں بنجائی وزیر حوالکاری و شینکاری مرتضیٰ سولنگی سوات آن تعلق تخوک آ سینئر صحافی فیاض ظفرآ مبینہ بیدادی و حراست نا نوٹس ءِ ہلسا فیاض ظفرآ بیدادی و اونا دزگیری نا رپورٹ ءِ بٹنگا۔ نگراں بنجائی وزیر حوالکاری پنچ شنبے نادے آ فیاض ظفر تون پیش بروک آ واقعہ غا تعلقدار کمامدار آتون رابطہ کرے۔ داوخت آ گپ وتران کرسا نگراں وزیر حوالکاری پارے کہ آئین نا رداٹ میڈیا و درشانی سلاہ نا آجوئی آ پورو یخین تخنہ۔ تعلقدار کمامدار آک واقعہ نا بے کنڈہلوک جاست وپاست ءِ پک کیر و غٹ سرجم آتے تننگے۔ اوپارے کہ عہدہ نا طاقت صحافی تا توار ءِ توننگ کن بایدے کاریم اٹ اتنگپ۔ مرتضیٰ سولنگی پارے کہ فیاض ظفر نا باندات اٹ پیش رفت آ نظر تخنہ و غٹ راستکی تا مون آ بننگ آ میڈیا ءِ معلومدار کینہ۔
