اسلام آباد۔ 31 اگست (اے پی پی) نگراں بنجائی وزیر قومی جان جوڑی ڈاکٹر ندیم جان پارینے کہ زالبول آک پولیو ورکرآتا آزموندہ غاتے سمجھنگ و اوفتے تون اواری اٹ چیلنج آتا ایسر اس کشنگ نا گام انا ستاءِ کینہ، فرنٹ لائن ورکرآک ننا پروگرام اٹ تمبہ نا حیثیت تخرہ۔ داخیال آتا درشانی ءِ او پنچ شنبے نادے آ ملینڈا فرنچ گیٹس انا زالبول پولیو ورکرآتون ورچوئل اوڑدہی ٹی کرے۔ ورچوئل اوڑدہی ٹی ڈاکٹر ندیم جان پارے کہ زالبول پولیو ورکرآتا آزموندہ غاتے سمجھنگ و اوفتے تون اواری اٹ چیلنج آتا ایسر اس کشنگ نا گام انا ستاءِ کینہ۔ پاکستان پولیو پروگرام نا فی میل فرنٹ لائن ورکرآتے ’’ڈیزائن انیشی ایٹو‘‘ پنی آ گام انا تدوک آ دے بناءِ کننگا۔ اوپارے کہ گام انا مسخت زالبول فرنٹ لائن ورکرآتا آزموندہ غاتیان فائدہ ہرفنگ ءِ۔ فرنٹ لائن ورکرآک ننا پروگرام اٹی تمبہ نا حیثیت تخرہ و ننا اصل ہیروک ءُ۔ پولیو ورکرآتا خذمت ستاکڑزک۔ ملنڈ افرنچ گیٹس انا پولیو ورکرآک پاریر کہ زالبول پاکستان پولیو پروگرام نا مرکزی حصہ ءُ۔ پولیو نا چٹفنگ نا کوشست آتیٹی پولیو ورکرآتا اہم ءُ کڑد اسے۔ ورکشاپ اٹی اوار مننگ آن خوداعتمادی ٹی ودکی مسنے۔ اوپارے کہ خوشی ءِ کہ پولیو پروگرام ننا آزموندہ و خیال آتے بِننگ کن وخت کشا۔ پولیو ورکرآتا کنڈآن پیش کروک آ سلاہ تیا عمل کننگ انگ ءِ۔
