اسلام آباد۔ 31 اگست (اے پی پی) وزیر مذہبی امور انیق احمد نا کماشی ٹی پنچ شنبے نادے آ حج 2023 نا بابت ڈی بریفنگ سیشن اس اڈ ہلک ہراٹی ڈی جی حج جدہ، ایئرلائنز ، بینک، ڈائریکٹرز حاجی کیمپ ، حج گروپ آرگنائزرز نا نمائندہ غاک بشخ ہلکر۔ نگراں وزیر مذہبی امور انیق احمد پارے کہ بھلو دعویٰ آخا، ولے حاجی تا آسراتی کن غٹ اسٹیک ہولڈر آتے تینا کمکاری نا باور کرفیوہ، داڑے نن تینا حاجی تے گچین آسراتی تا فراوانی کن یکجا مسونن، حاجی تا جوان تربیت، نظم و ضبط و جونی فٹنس ءِ پک کننگ آ کاریم کننگک، سرکاری حج اسکیم اٹ شارٹ و لانگ حج پیکج اس درستی راستی کرفنگ نا کوشست کننگ اُن۔ دیوان اٹی سعودی عرب اٹ ہنکین، خورو ٹرانسپورٹ آسراتی تے زوت گڈیکو دروشم اس تننگ آ امنا کننگا۔ وزیر مذہبی امور پارے کہ حاجی تا آسراتی تے گڈیکو دروشم اس تننگ کن زوت آتے اٹ سعودی عرب آ روانہ مریوہ، گڑاتا گمشدگی نا غاوتے کم کننگ کن کیو آرکوڈ اس درستی راستی کرفنگک۔
