اسلام آباد۔ 31 اگست (اے پی پی) ڈپٹی چیئرمین پلاننگ کمیشن محمد جہانزیب خان پارینے کہ ایشیائی شونداری بینک مشکل حالیت آتیٹی نجی و سرکاری بشخ انا کمک اٹ پاکستان نا کمک ءِ کرے، نوکاپ زہمی تا وکت آ کمک ءِ کننگتوکہ تو زرگزرانی تنکی آن پیش تمنگ ناممکن مسکہ۔ داخیال آتا درشانی ءِ او پنچ شنبے نادے آ انویسٹمنٹ رزیلینٹ اینڈ اڈاپٹیوفیوچر آف پاکستان نا بابت اڈہلوک سیمینار آن تران کرسا کرے۔ محمد جہانزیب خان پارے کہ تینا غٹ اسٹیک ہولڈر آتا منت واراُن ہرافک سوگو انفراسٹرکچر نا تفنگ اٹ پاکستان نا وخت آ کمک ءِ کریر، اے ڈی بی مشکل حالیت آتیٹی نجی و سرکاری بشخ انا کمک اٹ پاکستان نا کمک ءِ کرے۔ اوپارے کہ نن ہربشخ انا سرجمی اٹ جاچ ءِہلکن، پالیسی جوڑ کرین، فنڈ آتے گچین وڑاٹ کاریم اٹ اتنگ کن لائحہ عمل اس جوڑ کرین، داغٹ ءِ کننگ آسان الوکہ، داڑکن بھا زخواری کروئی تما۔ ننا آفیسر آک دے و نن ءِ اسٹ کریر، اوپارے کہ مالی وسیلہ غاتا فراوانی خاص وڑاٹ پرائیویٹ فنانسگ غٹ آن بھلا چیلنج ئس، نوکاپ زہمی تا وخت آ کمک ءِ کننگتوکہ تو زرگزرانی تنکی آن پیش تمنگ ناممکن مسکہ۔
