لاہور۔ 31 اگست (اے پی پی) ڈائریکٹر جنرل پراونشل ڈیزاسٹر مینجمنٹ اتھارٹی پنجاب (پی ڈی ایم اے ) عمران قریشی نا پاننگ ءِ کہ دریائے ستلج اٹی نوکاپ نا حالیت آتیٹی نمان کمتی مننگ ءِ۔ پنچ شنبے نادے آ جاری رپورٹ اٹی اوپارے کہ گنڈاسنگھ والا، ہیڈ اسلام و میلسی سائفن نا ہند آنوکاپ نیامی آن شیفکو درجہ غا بس ولے ہیڈ سلیمانکی نا ہند آ نیامی درجہ نا نوکاپ ءِ، گنڈاسنگھ والا نا ہند آ دیر انا ترندی 74 ہزار 390 کیوسک، ہیڈ اسلام نا ہند آ77 ہزار 22 کیوسک و میلسی سائفن نا ہند آ75 ہزار 426 کیوسک ءِ وخت اس کہ پنجاب نا ایلو دریاتیٹی دیر انا بہاؤ نارمل ءِ۔ اومستی پارے کہ نوکاپ آن زہمی علاقہ غاتیٹی کمکی سرجزآک برجاءُ، و زہمی تا بحالی و امداداسکان ریسکیو آپریشن برجاسلک۔
