اسلام آباد۔30اگست (اے پی پی):چیئرمین سینیٹ محمد صادق سنجرانی ستلج ل کور ءِ ھار کنگ ءِ سبب ءَ زر باری پنجاپ ءِ بازیں دمگ آںی تہ ءَ تاوان بار اپسوزی ءِ درشان کتگ۔ چیئرمین سینیٹ ءَ ضلعی انتظامیہ ، ڈیزاسٹر منیجمنٹ ءُ ریسکیو کارندہ آناں پنت ءُ شون جاڑی کتگ کہ سیلاپ ءَ چہ آماچیں مردم آناں زوت کمک پجاری بکن انت ءُ توامیں رابطہ سڑک آنی برجائی ءِ واستہ زوتیں بنیات ءَ گامگھیج ءُ آپ شانیں دمگ ءُ آباتی آناں رکھینگ ءِ واستہ زوتیں بنیات ءَ انتظامی کنگ بہ بیت۔ چیئرمین سینٹ ءَ سیلاپی ھند آنی جاور ھال آنی گوما گر ءُ چیل ءِ واستہ فوج ءُ صوبائی ادارُکی حکومت آنی کوشست آناں ساڑات۔ چیئرمین سینیٹ ءَ سیلاپی دمگ آنی نندوکیں مردم آناں ھمک رنگیں کمک پجاری کنگ ءِ پنت ءُ شون جاڑی کتگ۔ چیئرمین سینیٹ ءَ ھور ءُ ھار ءِ نتیجگ ءَ بیران بوھوکیں مردم آناں برز ءُ بلندیں ھند ءُ ٹپیگ آنی زوت جان سلامتی ءِ واستہ دعا ءِ نیک کت۔ ڈپٹی چیئرمین سینیٹ سینیٹر مرزا محمد آفریدی ءَ ھم بھارت ءِ نیمگ ءَ چہ ستلج کور ءَ آپ ءِ یل کنگ ءِ نتیجگ ءَ زرباری پنجاپ ءِ بازیں دمگ ھار ءِ سبب ءَ چہ جانی ءُ مالی تاوان بار ءِ پد ءَ ڈکھ ءُ اپسوزی ءِ درشان کتگ۔
