اسلام آباد۔ 30 اگست (اے پی پی) اسپیکر قومی اسمبلی راجہ پرویز اشرف ملک اٹی ایشیا کپ نا اڈتننگ ءِ ستاکڑزوک گوندسا بشخ ہلنگ کن پاکستان آ بروک آ غٹ کرکٹ ٹیم تا خیرمقدم ءِ کرینے۔ چارشنبے نادے آ تینا بیان اٹی اوپارے کہ پاکستان اٹ 15 سال آن پد ایشیا کپ انا اڈتننگ ستاکڑزک۔ ایشیا کپ اٹی بشخ ہلنگ کن پاکستان اٹ بروک آ کرکٹ ٹیم تے بخیر اٹ پاوہ۔ اواومیت ظاہرکرے کہ پاکستان اٹ ایشیاکپ نا اڈتننگ خوشگوار چاگڑداٹی مریک و بشخ ہلوک آ ٹیمک پبی کارکڑد انا درشانی ءِ کیرہ۔ پاکستانی کرکٹ نا شونقی تے تینا کرکٹ گراؤنڈ آتیٹی کرکٹ آن لطف اندوز مننگ نا موقع ملک۔ اسپیکر قومی اسمبلی ایشیاکپ اٹی بشخ ہلوک آ ٹیم تیکن نیک است خواہی نا درشانی ءِ کرے۔ اسپیکر قومی اسمبلی ایشیاکپ نا پاکستان اٹ اڈتننگ نا چرجوئی ٹی پاکستان کرکٹ بورڈ انا کوشست آتا ستاءِ کرے و ایشیاکپ نا پروقار دود انا اڈتننگ آ چیئرمین پاکستان کرکٹ بورڈ و مینجمنٹ ءِ مبارکبادی تس۔
