لاہور نا چاگڑدی  وڑاٹی پولیو دین پک، دین انا وار وار آ چاگڑدی وڑتیتی ملنگ گڑتی اسے، ڈاکٹر ندیم جان

اسلام آباد۔ 30 اگست (اے پی پی) نگراں بنجائی وزیر قومی جان جوڑی ڈاکٹر ندیم جان پارینے کہ لاہور نا چاگڑدی وڑتیٹی پولیو دین پک مسنے، دین انا وار وار آ چاگڑدی وڑتیٹی ملنگ گڑتی اسے۔ چارشنبے نادے آوزارت جان جوڑی آن جاری بیان نا رداٹ او پارے کہ لاہور نا چاگڑدی وڑتیٹی پولیو دین پک مسنے۔ دین جنیاتی وڑاٹ اوغانستان قندہاراٹی مروک آ دین اتون منسلک ءِ۔ اوپارے کہ  پولیو نا برخلاف جنگ اٹ پاکستان اوغانستان تون اواری اٹ  مربوط حکمت عملی اس جوڑ کننگ اٹی اُٹ۔ تدوک آ سال آن ملک اٹی پولیو کیس آتا کچ اٹی کمتی بسنے۔ ڈاکٹر ندیم جان پارے کہ دین انا وار وار چاگڑدی وڑتیٹی ملنگ گڑتی اسے۔ پولیو نا حالیت آتیا سخت نظر تخانن۔ پولیو پروگرام نا ٹاپ انا ایکسپرٹ ءِ بنوں ٹی تعینات کرینن۔ اوپارے کہ چاہندار آتے دین انا تالانی ءِ توننگ کن ٹارگٹ تسونن۔ ہلہلہ ئی بنداو تیا غٹ تر المی گام گیج آتے پک کننگ اٹی اُٹ۔ لاہور آن داسال انا مسٹ میکو مثبت چاگڑدی وڑ ءِ۔ پاکستان اٹی داسہ مثبت چاگڑدی وڑتا کچ 17 مسنے۔ اوالمہ و باوہ غاتیان خواست کرینے کہ پولیو مہم اٹی چناتے پولیو نا پُڑی کنفر۔