لاہور۔ 30 اگست (اے پی پی) ترجمان پراونشل ڈیزاسٹر مینجمنٹ اتھارٹی پنجاب نا پاننگ ءِ کہ دریائے ستلج نا نوکاپ اٹی پدریسہ کمتی بننگ ءِ ۔ اتھارٹی نا ترجمان چارشنبے نادےآ جاری بیان اٹی پارے کہ گنڈاسنگھ والا، ہیڈ سلیمانکی ، ہیڈ اسلام و میلسی سائفن نا ہند آتیا نیامی درجہ نا نوکاپ ءِ، گنڈاسنگھ والا نا ہند آ دیر انا ترندی 89 ہزار 60 کیوسک ءِ، ہیڈ سلیمانکی نا ہند آ دیر انا بننگ 95 ہزار 196 و پیش تمنگ 81 ہزار 366 کیوسک ءِ، وخت اس کہ ہیڈ اسلام نا ہند آ دیر انا ترندی 82 ہزار 916 کیوسک ءِ۔ ترجمان نا مستی پاننگ ئس کہ پنجاب نا ایلو دریاتیٹی دیر انا ترندی نارمل ءِ۔ نوکاپ آن زہمی علاقہ غاتیٹی کمکی سرجزآک برجاءُ۔ پِر تا بابت ترجمان پارے کہ بشامی آ پِرتا2 آن 5 ستمبر اسکان برجاسلنگ نا گمان ءِ، وخت اس کہ داوخت آ غٹ بھلا دریاتا بڑزکو علاقہ غاتیٹی شنزہ ئی آ پِرتا گمان ءِ۔
