فیصل آباد۔ 30 اگست (اے پی پی) حکومت پنجاب نا خصوصی پارت آتے مون آ تخسا حکومت غذائی گرج آتے پورو کننگ کن بائیو ٹیکنالوجی آن پبی فائدہ ہرفنگ نا فیصلہ کرینے ہراڑان خولم، کرپاس ، برنج، مکئی ، گنڈیری و ایلو فصل آتا پیدوار اٹی 20 آن 30 درسد اسکان ودکی ءِ ممکن کننگ مریک۔ ڈویژنل ڈائریکٹر ایگری کلچر ایکسٹینشن محکمہ کشت وکشار فیصل آباد چوہدری عبدالحمیداے پی پی ءِ پارے کہ پوسکن آ وڑاٹ آبادی نا ودوک آ کچ انا رداٹ ہراڑے گچین پیدوار دوئی کننگ اٹ کمک رسینگک ہموڑے ودکی پیدوار دوئی کرسا نہادی زرمبادلہ ہم کٹیا کننگ مریک۔ اوپارے کہ دا ٹیکنالوجی آ بھلو کچ اسے آ عملدرآمد نا ڈٹ اس جوڑ کننگانے ہراٹی قومی کمیشن بائیو ٹیکلنالوجی نا ہم کمک ءِ دوئی کننگک۔ اوپارے کہ دنیا ٹی ہڑدے غذائی گرج آک ودسا کننگ ءُ و اومیت ءِ کہ بروک آ سال 2024نا ایسر اسکان دنیا نا 48 بھلا کشاری ملک آتیٹی 45 ملین بزغر4 سد ملین ایکڑ رقبہ غا بائیوٹیک فصل دسنہ۔ اوپارے کہ پاکستان اٹی بائیو ٹیک نا کچ اٹی ودکی بھاز فائدہ ئی اثرآتا حامل مریک۔
