اسلام آباد۔ 29 اگست (اے پی پی) نگراں بنجائی وزیر آئی ٹی و ٹیلی کمیونیکیشن ڈاکٹر عمر سیف تون چیئرمین پاکستان ٹیلی کمیونیکیشن اتھارٹی (پی ٹی اے) میجر جنرل (ریٹائرڈ) حفیظ الرحمان سے شنبے نادے آ اونا دفتراٹی اوڑدہی کرے۔ اوڑدہی ٹی ٹیلی کمیونیکیشن ، فائیو جی آکشن و اسپیکٹرم نا بابت سرجم گپ وتران مس۔ اوڑدہی ٹی دافیصلہ کننگا کہ بروک آ دہ تُو اٹی فائیو جی ءِ آکشن کننگک۔ نگراں بنجائی وزیر آئی ٹی ڈاکٹر عمر سیف پارے کہ فائیو جی آکشن اٹ بروک اڑاند آتے اولیتی بنداو تیا مُر کننگک۔ ٹیکسیشن ، ٹیلی ڈینسٹی ایشوز و اسپیکٹرم نا بابت قدغن تے چٹفنہ۔ صارف آتیکن ٹیلی کام سروس نا آب ءِ گچین آن گچین کننگ کن مربوط گام گیج کینہ۔ اوپارے کہ فائیو جی آکشن آن الس ءِ آسراتی تننگ کن سنبرینگوک اُن۔ اوڑدہی ٹی ایڈیشنل سیکرٹری وزارت آئی ٹی و ٹیلی کمیونیکیشن عائشہ حمیرا موریانی و ڈائریکٹر جنرل وائر لیس محمد جہانزیب رحیم ئسک ہم ساڑی ئسر۔
