لاہور۔ 29 اگست (اے پی پی) دریائے ستلج اٹی نوکاپی حالیت آتون مون تننگ کن پاک فوج انا بہاولپور ڈویژن نا شیفکو علاقہ غاتیٹی کمکی سرجزآک برجاءُ۔ سے شنبے نادے آ ڈی جی پی آر نا کنڈآن جاری بیان نا رداٹ نوکاپ زہمی تیکن پاک آرمی نا کنڈآن فری میڈیکل کیمپس و ریسکیو آپریشن تون اوار فری راشن نا بشخنگ نا چرجوئی برجاءِ، پاک آرمی نا کنڈآن میلسی، چشتیاں، منچن آباد، پاکپتن،عارف والا ، وہاڑی،لودھراں، بورے والا و ہیڈ سلیمانکی نا زہمی علاقہ غاتیٹی ہندی انتظامیہ تون اواری اٹ زہمی نوکاپ ءِ رکھ ہند آتیا گدریفنگ نا چرجوئی ہم برجاءِ، وخت اس کہ نوکاپ اٹی دینی مرض آن بچنگ کن چندی ہند آتیا میڈیکل کیمپس ہم جوڑ کننگانے ، ہراڑے بھلو کچ اسے ٹی زہمی تے مفت طبی امداد فراوان کننگ انگ ءِ۔
