اسلام آباد۔ 29 اگست (اے پی پی) جاڑ انگا شار تیٹی میٹرو بس سروس آن فائدہ ہرفوک آ مسافر آک میٹرو اسٹیشن اسکان آسانرسینگ کن میٹرو فیڈر بس سروس نا بناءِ کننگ نا سلاہ نا ستاءِ کرینو و ضلعی انتظامیہ غان میٹرو فیڈر بس سروس ءِ دمدستی بناءِ کننگ نا خواست کرینو۔ مسافر آتا بھلو کچ اس پارے کہ جاڑ انگا شار تیان لکھ آتا کچ اٹ مسافر ہڑدے ئی بنداو تیا فائدہ ہرفرہ ولے کیبی آن میٹروبس اسٹیشن اسکان سرمننگ اٹ اوفتے مشکل مون تروک مریک ہراڑکن المی ءِ کہ مسافر آتے میٹرو اسٹیشن اسکان آسان رسینگ کن چندی روٹ آتیا میٹرو فیڈربس سروس نا بناِ ءِ کننگے۔ مسافر آک پارینو کہ دا رداٹ کمشنر راولپنڈی ڈویژن لیاقت علی چٹھہ جاڑ انگا شار تیٹی مواصلات نا ذریعہ ءِ پین گچین کننگ کن میٹروبس سروس ءِ سلاہ تس کہ میٹروبس سروس فیڈربس سروس نا چلیفنگ نابناءِ کے ہرا شار انا چندی بشخ آتیان مسافر آتے ہرفسا میٹرو اسٹیشن تیاڈراپ کے۔
