اسلام آباد۔ 29 اگست (اے پی پی) نگراں بنجائی وزیر آبی وسیلہ احمد عرفان اسلم پارینے کہ پوسکن آ ٹیلی میٹری ازباب آتا اوار مننگ آن ریئل ٹائم ہائیڈرو میٹرولوجیکل پیمائش ءِ پک کننگک۔ اوداہیت ءِ اسلام آبا داٹی نیشنل ماسٹر پلان فلڈ ٹیلی میٹری نا بناءِ کننگ نا اڈ ہلوک آ دود آن تران کرساپارے ہرانا بست وبند ءِ بنجائی فلڈ کمیشن (ایف ایف سی) و واپڈا اسیجائی وڑاٹ وزارت آبی وسیلہ و ایشیائی شونداری بینک (اے ڈی بی ) نا کمک اٹ کریسس۔ دود اٹی نگراں بنجائی وزیر آبی وسیلہ احمد عرفان اسلم، بنجائی سیکرٹری سید علی مرتضیٰ ، چیئرمین ایف ایف سی احمد کمال، کنٹری ڈائریکٹر اے ڈی بی یونگ یی آن بیدس واپڈا و آبی وسیلہ غاتا وزارت نا ایلو سینئر آفیسر آک بشخ ہلکر۔ دا ڈٹ اٹی 707 فلڈ ٹیلی میٹری اسٹیشن تا خلنگ اوار ءِ ہرافتیان فیز Iنا رداٹ 457ٹیلی میٹری اسٹیشن تے ہر چار آصوبہ یعنی پنجاب 151، سندھ 46، خیبرپختونخوا136، بلوچستان 207و گلگت بلتستان 84 تون اوار اوار آزاد جموں وکشمیر اٹی 83ٹیلی میٹری اسٹیشن نصب کننگک۔ داوخت آ تران کرسا نگراں بنجائی وزیر آبی وسیلہ پارے کہ ٹیلی میٹری اسٹیشن تا تنصیب نوکاپ نا سہی پیشن گوئی و وخت آ وارننگ جاری کننگ کن المی ءِ۔
