اسلام آباد۔ 29 اگست (اے پی پی) موٹروے پولیس 3 لکھ روپئی مالیت نا گمشدہ موبائل فون ءِپٹسا مالک نا دوٹی تس۔ ترجمان نیشنل ہائی ویز اینڈ موٹروے پولیس نا رداٹ پشاور نا ہنکینی عمر پنی ءُ بندغ اس پشاور آن اسلام آباد بذریعہ موٹروے سفر کرسا چارسدہ نا خڑک ٹیر ءِ چیک کننگ کن سلیس ہراڑے اونا موبائل فون تما ولے اودے سماتمیتو و او تینا سفر ءِ برجاتخا زرہ سے آن پد یات بننگ آ او فریشان مس و کسر اٹ بروک آ موٹروے پولیس موبائل آن کمک خواہس، موبائل فون نا قیمت کم و ود 3 لکھ روپئی پاننگک۔ حوال ملنگ تون موٹروے پولیس ہندا موبائل فون نا پٹنگ نا بناءِ کرے آخرکار موبائل فون ءِ پٹنگا و مالک ءِ حوال تننگا۔ اوکان پد مالک بیٹ آفس آ برسا تینا موبائل ءِ ہلک و موٹروے پولیس نا منت واری ءِ ہرفے۔
